Kriptoaktiboen zerbitzuen hornitzaileak, PSCA edo CASP, ingelesezko siglen arabera (crypto assets service providers)
Kriptoaktiboen zerbitzuen hornitzaileak bezeroei kriptoaktibo-zerbitzu bat edo hainbat ematen dizkieten enpresak dira, MiCA Erregelamenduan aurreikusitakoaren arabera.
Hauek dira eman ditzaketen kriptoaktibo-zerbitzuak:
Bezeroen konturako kriptoaktiboen zaintza eta administrazioa
Kriptoaktiboen negoziazio-plataforma bat kudeatzea
Kriptoaktiboak funtsekin trukatzea
Kriptoaktiboak beste kriptoaktibo batzuekin trukatzea
Bezeroen konturako kriptoaktiboekin lotutako aginduak betearaztea
Kriptoaktiboak jartzea
Bezeroen konturako kriptoaktiboekin lotutako aginduak jasotzea eta transmititzea
Kriptoaktiboen inguruko aholkularitza
Kriptoaktiboen zorroak kudeatzea
Bezeroen konturako kriptoaktiboen transferentzia-zerbitzuak ematea
Kriptoaktiboen zerbitzuen hornidura plataforma zentralizatuen eta deszentralizatuen bidez gara daiteke:
Zentralizatuak:
Hornitzaileak erakundeak dira (hots, pertsona juridikoak), MiCA Erregelamenduak arautuak, CNMVk baimendu eta ikuskatuak, eta aurreko kriptoaktiboen zerbitzu bat edo batzuk ematen dituzte.MiCA Erregelamenduan CNMVk zerbitzuen hornitzaile horiek baimentzeko, erregistratzeko eta ikuskatzeko araubidea ezartzen du.
DesZentralizatuak:
kriptoaktiboen zerbitzuak plataforma deszentralizatuen bidez ere eman daitezke (edo DEX, ingelesezko siglak). Aurreko kriptoaktiboen zerbitzu batzuk eskaintzen dituzte, baina modu deszentralizatuan funtzionatzeko gaitasuna dute kontratu adimendunen bidez (smart contract-ak). Kasu honetan, ez dago emandako zerbitzuen funtzionamendu egokiaz arduratuko den erakunde zentralik, eta inbertitzailea babesteko beharrezko bermerik ez da existitzen.