Outros criptoactivos: primeira, segunda e terceira xeración
Actualmente existen máis de 13 000 criptoactivos (chamados comunmente «altcoins») que teñen características distintas ás que ofrece Bitcoin. Aínda que estas «altcoins», como Bitcoin, non cumpren os tres requisitos fundamentais para ser consideradas moeda de curso legal, ofrecen outras funcionalidades que poden ser interesantes desde unha perspectiva tecnolóxica e empresarial.
En 2015, xorde outra blockchain: Ethereum. Introduciu unha característica da que Bitcoin carecía: os «contratos intelixentes». Mentres que Bitcoin foi deseñada unicamente para rexistrar transaccións, Ethereum permitía o almacenamento e a execución de contratos intelixentes. O token nativo para usar a blockchain de Ethereum é o Ether. Posteriormente, xurdiron outras blockchain, como Algorand e Solana, que ofreceron melloras técnicas en áreas como a privacidade, a escalabilidade e a eficiencia enerxética.
Os contratos intelixentes son programas informáticos almacenados nunha blockchain que se executan automaticamente cando se cumpren condicións predefinidas. A súa utilidade reside, por exemplo, na posibilidade de automatizar a execución dun acordo sen a participación dun intermediario.