Carteiras (Wallets)
Unha carteira (wallet) é unha ferramenta dixital que se usa para almacenar, controlar, enviar ou recibir criptoactivos.
En termos máis técnicos, unha carteira (wallet) é un software ou dispositivo que almacena as claves privadas asociadas a un ou máis enderezos nunha cadea de bloques (blockchain).
Hai varios tipos de carteiras. É importante estudar as vantaxes e desvantaxes de cada unha para determinar cal se adapta mellor ás túas necesidades.
As carteiras frías (ou cold wallets) son dispositivos físicos externos, normalmente unidades USB, que non están conectados permanentemente a internet (deben conectarse para funcionar nunha cadea de bloques) e que, polo tanto, proporcionan un maior nivel de seguridade. Debido a que non están conectados permanentemente a internet, están menos expostos a ciberataques. Estas carteiras requiren certos coñecementos e habilidades para ser usadas de forma eficaz e segura.
Pola outra banda, as carteiras quentes (ou hot wallets) son dispositivos de software que se poden instalar nun ordenador, tableta ou teléfono intelixente. Son máis rápidas e fáciles de usar para as transaccións cotiás. Non obstante , debido a que se instalan en dispositivos e están conectadas permanentemente a internet, son máis susceptibles a ataques informáticos.
Carteiras aloxadas (hosted wallets). Moitos usuarios de criptoactivos optan por abrir as súas contas en plataformas de intercambio (exchanges). Nestes casos, a plataforma de intercambio (exchange) ten o control dos criptoactivos, xa que é esta entidade a que posúe as claves privadas das carteiras. Isto coñécese como carteira aloxada (ou hosted wallet). Se se opera con criptoactivos a través dunha plataforma de intercambio (exchange), probablemente o usuario nunca tivese que usar manualmente o sistema de claves privadas e públicas.