Kolaboratzaileen sarea
Finantza Hezkuntzako Plana
ZER DA KOLABORATZAILEA IZATEA?
Konpromiso irmoa, etengabea eta desinteresatua eduki behar da finantza-kulturaren hobekuntzarekiko.
Finantza Hezkuntzako Planaren kolaboratzaileak espainiarren finantza-kultura hobetzen laguntzeko konpromiso irmoa, etengabea eta desinteresatua eduki behar du, esparru horrekin lotuta eta finantza-hezkuntzako estrategia nazionalaren baitan dauden ekimenak aldizka garatuz. Gainera, beste erakunde batzuekin batera ekintzak garatzeko aukera izango du, herritar espainiarren finantza-hezkuntza hobeari bide emateko.
NOR IZAN DAITEKE KOLABORATZAILE?
Irabazi asmorik gabeko finantza-hezkuntzako jarduerak egiten dituzu? Bat egin ezazu Finantzak guztiontzat proiektuarekin!
Finantza Hezkuntzako Planaren kolaboratzaileak honako hauek izan daitezke: Espainiako lurraldean eratutako pertsona juridikoak, irabazi-asmorik gabeko finantza-hezkuntzako jarduerak egiten dituztenak, zuzenean edo zeharka finantza-hezkuntzarekin zerikusia duten arloak ikertzen dituztenak edo finantza-hezkuntzaren xede-segmentutzat hartzen diren publiko edo profesional zehatzak biltzen dituztenak. Halaber, Finantza Hezkuntzako Planaren kolaboratzaileak izan daitezke zuzenean edo zeharka finantza-hezkuntzarekin zerikusia duten administrazio edo erakunde publikoak. .
Ezagutu ezazu Finantza Hezkuntzako Planeko askotariko esparruetako kolaboratzaile-sarea eta horiek egiten duten lana.
CJARDUNBIDE EGOKIEN KODEA
Finantza-heziketaren aldeko 10 konpromisoak:
- Finantza-hezkuntza pertsonen zerbitzura jartzea.
- Finantza-hezkuntza inpartziala eta kalitatezkoa sustatzea.
- Finantza-hezkuntza merkataritza-jardueratik bereiztea.
- Finantza-hezkuntza moldatzea bere xedea den publikoari.
- Finantza-hezkuntza argia, egiazkoa eta zehatza eskaintzea.
- Finantza-hezkuntzak barne hartzen dituen gaien ikuspegi osoa eta librea ematea.
- Hizkuntza erraza, pedagogikoa eta xedea den publikoaren ezaugarrietarako egokia erabiltzea.
- Logo eta marka propioak erabiltzea ekiditea (irabazi asmoa duten entitateak direnean).
- Behar bezala trebatutako prestatzaileak edukitzea.
- Finantza-hezkuntzako ekimenekin lortutako baliabideak ebaluatzea.
Jardunbide egokien kodea eta dekalogoa finantza-heziketako ekimenentzat
Printzipio-multzo bat Espainian garatutako finantza-hezkuntzako ekimenei eta beren edukiei aplikatu ahal zaiona, horiek sustatzen dituzten erakundeek gauzatutako finantza-hezkuntzako ekimenen kalitatea, inpartzialtasuna eta gardentasuna bermatzea helburu duena.